Resumen
Nazioarteko babesa zera da, Europar Batasunetik kanpoko herrialdeetako herritarrei eta aberrigabeei ematen zaien babesa, beren herrialdera itzuli ezin direnean giza eskubideak arrisku larrian daudelako. Nazioarteko babesa onartuta duten pertsonek bermatuta dute ez dituztela beren herrialdera itzuliko, ezta kanporatuko ere. Nazioarteko babesaren barruan sartzen dira asilo-eskubidea eta babes subsidiariorako eskubidea. Errefuxiatu-izaera aitortzen zaienei ematen zaien babesa da asilo-eskubidea.
Babes subsidiariorako eskubidea, berriz, errefuxiatu izateko baldintzak betetzen ez dituzten pertsonei aitortzen zaie, baldin eta, jatorrizko herrialdera itzuliz gero, haien bizitza eta osotasuna benetako arrisku larrian egongo liratekeela sinesteko arrazoi sendoak badituzte, eta ezin badute edo, aipatutako arriskuaren ondorioz, ez badute nahi herrialde horren babesa jaso.
